Кока Кола

Колаг ахуйд хэрэглэх жорнууд

• АНУ-ын ихэнх замын цагдаа нар жижүүрийн машиндаа 2 ширхэг Колаг тогтмол авч явдаг. Учир нь осол гарсан тохиолдолд зам дээрх цусыг маш амархан арилгаж болдог гэнэ.
• Колатай тавганд хэрчим мах хийгээрэй. Хоёр хоногийн дараа та махаа хайгаад ч олохгүй.
• Жорлонгоо цэвэрлэхдээ лаазтай Кола асгаад нэг цаг байлгаарай. Колад агуулагдах нимбэгний хүчил шаазангийн толбыг арилгана.
• Машины батарейн зэвийг арилгахын тулд батарей руу Колаг асгаж болно.
• Зэвэрсэн эргийг суллахдаа Коланд норгосон даавуугаар хэдэн минут ороодог.
• Бохирдсон хувцсыг цэвэрлэхдээ хувцсаа бөөгнүүлж тавиад нэг лааз Кола асгаад угаагч бодисоо нэмэн угаалгын машиндаа хийгээрэй. Кола толбонуудыг арилгасан байх болно.
• Машины шилийг замын тоосноос салгахын тулд Колагаар арчаарай.
• Колагийн идэвхитэй найрлага бол фосфорын хүчил. Түүний pH 2.8 найрлага нь 4 хоногийн дотор таны хумсыг хайлуулах шидтэй.
• Колагийн концентратыг зөөвөрлөгч машин нь хэт идэмхий материалд зориулсан тусгай шалаар тоноглогдсон байдаг.
• Колагийн дистрибьюторууд 20 жилийн турш өөрсдийн ачааны машины моторыг Колагаар угааж байна.

"Уух уу эс уух уу? ..."

Саяхан Новгород хотын Эрүүл мэндийн академигаас гаргасан нэг ном уншлаа. Мэдэхгүй ээ их сонин ном. Бидний мэддэг бүхий л зүйлсийг ууж болохгүй гэж бичсэн байдаг. Хэхэ. Юу уух болж байна аа тэгээд.

"Уух уу эс уух уу? ..." номны хэсгээс

Ус бол хамгийн энгийн бөгөөд сайн судлагдсан бодисуудын нэг гэж нийтээр боддог нь үнэн хэрэг дээрээ бодит байдалтай таардаггүй байна. Өнөөг хүртэл H2O нь шинжлэх ухааны агуу их нууцуудын нэг хэвээр байсаар л байна. Эрдэмтэд: ихэнх бодис хөрөхдөө нягтардаг бол харин яагаад ус тэлдэг вэ? Эсвэл ус хатуу байдалд (мөс) байхдаа шингэн үеийнхээсээ итлүү бага нягтралтай (ихэнх бодис эсэргээрээ байдаг) болдогийн учир юу вэ? Ус бараг бүгдийг уусгаж чаддаг, халахдаа төмрөөс арав дахин илүү энерги шаардаж буйг хэрхэн тайлбарлах вэ зэрэг олон нууцыг тайлахаар эрмэлзэж байна...

Хэрэв хүн цай, кофе ихээр хэрэглэдэг бол ус уух хэрэггүй гэсэн үгс хааяа сонсогддог. Гэхдээ энэ бол төөрөгдөл. Кофе, цай болон дарс усыг нөхөх бүү хэл харин ч шингэнийг алдуулдаг.

Ихэнх хүмүүс усыг буцалгахад л хангалттай гэж боддог ч тийм биш юм. Усыг буцалгаснаас хүнд метал, пестицид, гербицд, нитрат, феноле, нефийн бүтээгдэхүүн байтугай бактерийг ч устгаж чаддаггүй байна. Түүнээс гадна данхны хананд кальций, магнийн ашигтай давснууд наалддан үлддэг гэсэн байна. Ус буцалгагчид буцалгавал яах бол?

Ашиг тусаас илүү хор хүргэх шингэнүүд

• Хийжүүлсэн ус - Нүүрсний хүчил нь бие мах бодийн шингэн орчныг ээдүүлнэ.
• Хийжүүлсэн ундаа - Маш хүчиллэг. Ундааны найрлагад эрүүл мэндэд маш хортой нимбэгний хүчил, хиймэл амт оруулагч, амны цангаа нэмэгдүүлэгч, чихэр орлуулагч ордог.
• Жүүс - Эрүүл мэндэд тийм ч таатай бус нимбэгний хүчлийг даршлагч болгон ашигладаг.
• Эрдэсжүүлсэн ус - Эмчилгээний чанартай тул оношийн дагуу хэрэглэх хэрэгтэй
• Чихэрлэг ундаа - Чихэр нь элэг, тархи зэрэг амин чухал эрхтнүүдийн эсийг усгүйжүүлдэг.
• Амт оруулсан цай - Үнэрт охийг ашигладаг.
• Түргэн уусгагч кофе - Олон төрлийн химийн элемент агуулдаг.
• Крантны ус - Маш их хэмжээний хлор агуулдаг.
• Булаг, шанд, рашаан - Агуулгад нь юу ч байж мэднэ.
  
• Гол, нуурын ус - Бактер, эгэл биет, мөөгөнцөр амьдардаг шүү дээ.
• Ус цэвэршүүлэгч - Хугацаа нь бичигдсэнээсээ өмнө дуусдаг. Хлорыг шүүж чаддаггүй.
• Шар айраг - Элэг, бөөр, тархны нейроны ажиллагааг алдагдуулдаг. Oh No :(
  
• Мөнгөжүүлсэн ус - Бактерийн эсрэг үйлчилгээтэй учир хэрэгтэйг нь ч хамаагүй устгачихна.

Эдгээр зүйлсийг ууж болохгүй гэсэн юм байна. Өөр ууж болохоор мэддэг уух зүйл байна уу?

Why Men Don't Listen & Woman Can't Read Maps

Ийм нэртэй нэгэн номыг (Why Men Don't Listen & Woman Can't Read Maps - Allan & Barbara Pease) хаанаас ч юм олсон юм. Уншихгүй нилээн байж байгаад уншсан чинь их гоё (хөгжилтэй үнэн ...) ном байна. Уг нь уншиж дуусаад пост үлдээе гэж бодсон боловч бичмээр санагдаад болдоггүй. Тиймээс энэ номны зарим хэсгээс, сонирхолтой зурагнуудыг орууллаа. Ерөнхийдөө энэ номонд эрэгтэй, эмэгтэй хүмүүсийн хоорондын ялгааны талаар өгүүлнэ.

..."Зарим зүйл бол илэрхий байдаг". Жишээлбэл эрэгтэй хүн 00-ын өрөөнд орохдоо нэг л зорилготой ордог бөгөөд түүнийгээ л биелүүлдэг. Харин эмэгтэй хүний хувьд 00-ын өрөөг нийтийн биеэ засах (засварлах, янзлах) өрөө гэж үздэг. Эмэгтэй хүмүүс 00-д танихгүй хүнтэйгээ хэзээний дотно найзууд шиг яриа өрнүүлж чаддаг. Харин эрэгтэй, эмэгтэй хүмүүс цуг сууж байхад нэг залуу босоод "Хөөе Франк хоёулаа 00-ын өрөө цуг ороодхий" гэж хэлвэл хүн болгон маш их гайхна ...
... "Эмэгтэйчүүд эрчүүдийн талаар" хүн сонсдоггүй, мэдрэмжгүй, хүнтэй дулаан харьцаж чаддаггүй, энэрэнгүй байж чаддаггүй, яриа муутай, хайр халамж муу, хүн гүэзгий харилцаа тогтоодоггүй, хайр сэтгэлээсээ сексийн илүүд үздэг ...
... "Эрэгтэйчүүд эмэгтэйчүүдийн талаар" машин барихдаа муу, гудамжны хаяг хардаггүй, газрын зураг уншаад толгой нь эргэдэг, гол юмаа ярихгүй хэтэрхий их зүйл ярьдаг, секс хийе гэж хэзээ ч санаачилдаггүй ...
Мөн түүнчлэн: Эрчүүд эмэгтэй хүнийг яаж юм сайн олдог талаар, мөн 50 метрийн цаана хэвтэж буй оймсны толбыг хэрхэн олж хардагыг гайхдаг. Харин эмэгтэйчүүд эрчүүд машинаа ухрааж байрлуулахдаа маш жижигхэн толинд харж байгаад яг зэргэлдээ машинтай праллель зогсоож чаддаг мөртлөө G-spot яагаад хэзээ ч олж чаддаггүйг гайхдаг байна.

Аз жаргалын арван нууц

Саяхан "Аз жаргалын арван нууц" гэсэн номыг нэгэн найзаасаа авч уншсан юм. Тэрхүү номыг уншиж байхдаа зөвлөгөөнүүдийн талаар хийсэн тэмдэглэлээ та бүхэнд хүргэж байна. Хэрэг болж магадгүй бас тэр номыг унших шаардлагагүй ч болж магад. Хэ хэ.

Эх ном: Adam J.Jackson - "The Ten Secrets of Abundant Happiness", 1996, Harper Torch
Монгол орчуулга: Адам Жексон - "Аз жаргалын арван нууц", 2003, Урлах эрдэм хэвлэлийн газар


1 дэх нууц - Хандлагын хүч

• Аз жаргал нь амьдралд хандах хандлага дээр тогтоно.
• Сайн зүйл хүлээвэл голдуу түүнийгээ амсах болно.
• Зөв талаас нь харж чадвал зовлон бэрхшээл бүрээс эерэг сайн тал олдоно.
• Ямар ч хүнд бэрх, хямралтай үе тохиолдсон дараах гурван асуултыг өөрөөсөө асуу.
• Энэ нөхцөл байдалд гайхамшигтай зүйл юу байна вэ, юу байж болох вэ?
• Юу нь төгс биш байна вэ?
• Энэ нөхцөл байдлаас таашаал авахаар нөхцөл байдлыг өөрчлөхийн тулд би юу хийж чадах вэ?
• Гадаад нөхцөл байдал биш, миний бодол санаа л намайг зовоож, эсвэл аз жаргалтай болгож байдаг. Бодол санаагаа удирдсанаар би аз жаргалаа удирдана.

2 дахь нууц - Бие махбодын хүч

• Биеийн тамирын дасгалууд нь сэтгэлийн хямралыг багасгаж, бидний биеийг таатай сайхан болгох химийн урвалуудыг идэвхижүүлнэ. Боломжтой өдөр бүр хамгийн багадаа 30 минут биеийн тамираар тогтмол хичээллэх хэрэгтэй.
  
• Хооллолт бидний сэтгэл санаанд нөлөөлдөг. Кофе, цай, согтууруулах ундаа, чихэрлэг хүнсний зүйлс, хиймэл амтлагч зэргээс аль болох зайлсхийж жимс ногоо, үр тариа, шошийг ахиухан хэрэглэхийг хичээх хэрэгтэй.
  
• Байгалийн гэрэл хангалтгүй байх нь сэтгэлийн хямрал, дарамттай байдалд хүргэнэ. Өдөрт нэг цагаас багагүй хугацааг гадаа агаарт өнгөрөөх хэрэгтэй.
  

3 дахь нууц - Хором, хоромоор амьдрахын хүч

• Аз жаргал нь жил, сар, долоо хоногт, тэр байтугай өдөрт ч байдаггүй, харин хором бүрээс олж болно. Бид хором бүрээс сайн сайхныг олж чадсан тохиолдолд л амьдралаас сайн сайхныг олж чадна.
  

4 дэх нууц - Өөрийнхөө тухай зөвөөр төсөөлөхийн хүч

• Хүн өөрийгөө хэн гэж бодно тийм л хүн байна.
• Би өөртөө сэтгэл хангалуун биш байвал бүх амьдралдаа сэтгэл хангалуун биш байна гэсэн үг.
• Хүн бүр өвөрмөц давтагдашгүй.
• Бусад хүмүүс бидний толь, гэхдээ нөлөөтэй толинууд.

5 дахь нууц - Зорилгын хүч

• Зорилго нь бидний амьдралд утга учир, агуулгыг бий болгодог.
  
• Хэрэвээ бид зорилготой бол тэр нь зовлонгоос ангижрахад төдий бус, жаргал цэнгэлд хүрэх арга замд оюун санаагаа төвлөрүүлэхэд тусалж чадна.
• Зорилго нь хүнд хэцүү үеийг туулахад амар болгож жаргалтай сайн цагийг улам таатай болгоно.
  

6 дахь нууц - Хошигнолын хүч

• Хошигнол нь сэтгэлийн дарамтыг багасгаж аз жаргалын мэдрэмжийг би болгоно.
• Инээд нь анхаарал төвлөрөлтийг сайжруулдаг.
• Хямралыг давах хоёр алхамын томъёо.
  
• Аар саар зүйл бүү санаа зов.
• Амьдралын ихэнх хэсэг нь аар саар зүйлсээс бүрддэгийг сана.

7 дахь нууц - Өршөөн уучлахын хүч

• Таньд үзэн ядалт, хорсол гомдол үлдсэн бол аз жаргалтай байх боломжгүй. Гомдол тээснээс болж танаас өөр хэн ч шаналахгүйг сана.
  
• Алдаа эндэгдэл бүтэлгүй явдалууд нь амьдралын сургамж болно. Бусдыг уучил. Өөрийгөө уучил.

8 дахь нууц - Өглөгийн хүч

• Эд юмсыг олж авсанаар, эзэмшсэнээр аз жаргалыг олохгүй. Аз жаргалын нууц нь бусадад өгөх, туслах чадварт оршино.
  
• Бид бусадад хэдий их баяр баясгалан, аз жаргал өгнө өөрсдөө төдий хэмжээгээр олж авна гэсэн үг.
  

9 дэх нууц - Хамтын харилцааны хүч

• Амьдралын чанар нь хүмүүстэй харьцах харьцааны чанараар тодорхойлогдоно.
• Хүн бүрт бусад хүмүүс хэрэгтэй байдаг.
• Дотно харьцаа нь сайн цагийг улам тааламжтай, хүнд бэрх цагийг арай хөнгөн болгодог.
  
• Хэн нэгэнтэй харьцахдаа түүнтэй ахин хэзээ ч уулзахгүй мэт ханд.

10 дахь нууц - Итгэлийн хүч

• Итгэл нь хүмүүст итгэх итгэлийг бий болгож, оюун ухааныг тайвшруулан, сэтгэлийн эргэлзээ, түгшүүр, уймрал, сандралаас чөлөөлнө.